Jupiter Moon in 7th House. Me Ve in 4th. Venus ,Moon

பாரப்பா யின்னமொரு புதுமைகேளு பால்மதியும் பரமகுரு யேழில் நிற்க சீரப்பா ஜென்மனுக்கு வேட்டலில்லை செந்திருமால் தேவியுமோ விலகி நிற்பாள் கூரப்பா குமரியவளில்லாமல்தான் குமரனுட வங்கிஷமும் நாசமாச்சு ஆரப்பா அயன்விதியை கூறலுற்றேன் அப்பனே புலிப்பாணி பாடினேனே இன்னுமொரு புதுமையையும் நீ கேட்பாயாக! எல்லாராலும் புகழப்படும் குருவும் மதியும், ஏழாம் இடத்தில் நிற்கப் பிறந்த சாதகனுக்கு தன்னளவில் விருப்பமின்றி இருப்பான். எனினும் செந்திருமால் தன் தேவியுடன் அவனை விலகியே நிற்பான். ஆதலின் மனைவி மக்கள் இன்றி அக்குமரனது வம்சம் நாசமாகும்பிரமன் எழுதிய விதியை யாரால் மாற்ற இயலும்? இதனையும் போகர் அருளால் புலிப்பாணி கூறினேன்.




Mercury Venus in 4 th house ,Asc lord in quadrants (1, 4,7,10)


பாடுவாய் புந்தி வெள்ளி நாலில் நிற்க பகருகின்ற பதியோனும் கேந்திரமேற நாடுவாய் நாலுள்ளோன் சுபர்கள் நோக்க நற்சுகமும் மேடையுண்டு நாடுமுள்ளோன் கூடுவாய் குமரனுக்கு யோகம் மெத்த குவலயத்தில் பேர் விளங்கோன் நிதியுமுள்ளோன் ஆடிடுவாய் ஆரல் நிற்கும் நிலையைப்பார்த்து அப்பனே புவியோர்க்கு கூறுவீரே 



 மற்றொன்றையும் கூறுவேன், கேட்பாயாக! பெருமை மிகு புதனும் சுக்கிரனும் இலக்கினத்திற்கு நான்காம் இடத்தில் நிற்க இலக்கினாதிபதியும் கேந்திரத்தில் நின்றால் எல்லா சுகபோகமும் உள்ளவன், மேலும் சுபர்களின் திருஷ்டி பெற்றால் பெருமைமிகு சுகமும், உப்பரிகை மேடையும் நாடும் உள்ளவன், இச்சென்மனுக்கு இந்நிலவுலகில் மிகவும் யோகம் உண்டென்றும் இவன் பெயரும் புகழும் விளக்கம் பெறும் என்பதும் இவன் வெகுதனம் உடையவன் என்பதும் நிதர் சனமே. எனினும் சூரியன் நின்ற இடத்தை நன்கு ஆராய்ந்து கூறுவாயாக என்று போகரது அருளாணையால் புலிப்பாணி உரைத்தேன். 



 6th lord in quadrants

 ஆரப்பா யின்னமொரு சேதிகேளு அப்பனே ஆறோனும் கேந்திர கோணம் சீரப்பா ஜென்மனுக்கு இராஜ தோஷம் செப்புகிறேன் சோரர்பயம் சோரத்தால் துன்பம் கூரப்பா குடும்பத்தில் களவும் போகும் கூச்சலிட்டு வெளிவருவள் குமரிதானும் வீரப்பா விஷயமுநீ வெடியால் துன்பம் விளையுமடா பலதுன்பம் இன்னம்கேளே இன்னுமொரு கருத்தினையும் உனக்குக் கூறுகிறேன். அதனையும் நன்கு கவனிப்பாயாக! இலக்கினத்திற்கு 6க்குடையவன் கேந்திரஸ்தானத்தில் (1,4,7,10) இருந்தால் அச்சென்மனுக்கு அரசதோஷம் மற்றும் திருடர் பயம், சோரம் போவதால் துன்பம் விளைதல், குடும்பத்தில் களவு போதல், வீட்டில் சண்டையும், குமரிப்பெண் கூச்சலிட்டு வெளிவருதலும், விஷபயமும், வெடி முதலியவற்றால் துன்பமும் இன்னும் இது போன்ற பல துன்பங்களும் ஏற்படும் என்று போகரது ஆணையால் புலிப்பாணி புகன்றேன். 




Venus in 4th house


ஆரப்பா யின்னமொன்று அரையக்கேளு அப்பனே அசுரகுரு நாலிலேற சீரப்பா செழுமதியும் ஜென்மம் ஜென்மம் செல்வனுக்கு யோகங்கள் கூறக்கேளும் வாரப்பா வாகனங்கள் பூமியுள்ளோன் வளமான போகனடா வையகத்தில் கூறப்பா கொடுஞ்சனியும் பத்தில் நிற்க கூறுவாய் குழவிக்கு யோகங்கூறே வேறொரு விஷயத்தையும் உனக்கு விளக்கமாக உரைக்கின்றேன். அதனையும் நன்கு ஆய்ந்து கவனிப்பாயாக! அசுரர்களின் குருவென்று சொல்லக்கூடிய சுக்ராச்சாரியார் நான்காம் இடமான கேந்திரஸ்தானத்தில் நிற்க அச்சாதகனுக்கு யோகங்கள் மெத்தவும் உண்டாம். அவன் வாகன யோகம் உடையவன். பூமி லாபம் உடையவன். வளம் மிகுந்த போக பாக்கியங்களை அனுபவிப்பவன். இந்நிலவுலகில் சிறப்புறுபவன், இதேபோல் பத்தில் கொடிய பாவி எனக் கூறப்படும் சனிபகவான் நின்றாலும் அச்சென்மனுக்கு யோகம் என்றே கூறுவாயாக என போகர் அருள் பெற்ற புலிப்பாணி கூறினேன்.




Moon

ஆரப்பா யின்னமொன்று அரையக்கேளு அப்பனே அம்புலிக்கு ஆரே ழெட்டில் சீரப்பா சுபர் நிற்க ஜென்மன்தானும் சிறப்பாக மேதினியில் நலமாய்வாழ்வான் பூரப்பா பேய்பூதம் வசியமாகும் பூதத்தில் அரசனிடம் சேனைகாப்பன் கூரப்பா குடிநாதன் கெட்டானானால் குமரனுக்கு யோகங்கள் குலைந்துபோச்சே மேலும் ஒன்றைக் குறிப்பிடுகிறேன். அதனையும் நன்கு உணர்ந்து கேட்பாயாக! சந்திரனுக்கு ஆறு, ஏழு, எட்டு ஆகிய இடங்களில் சுப கிரகங்கள் நிற்கப் பிறந்த சாதகன் இப்பூமியில் மிகச் சிறப்பையே அடைகிறான். நலமுள்ள வாழ்வே பெறுகிறான். இவனுக்குப் பேய், பூதம் ஆகியவை வசியமாகும். மேலும் அரசசெல்வாக்கு பெறுவான். ஆனால் இலக்கினாதிபதி கெட்டால் இந்த யோகங்கள் குலையும் என்பதையும் கிரகநிலவரங்களை நன்கு ஆராய்ந்து கூறுவாயாக எனப் போகர் அருள் பெற்ற புலிப்பாணி கூறினேன்.